նախընտրելի դարձնելՄԱԿ-ի ծանրակշիռ անդամները, Անվտանգության խորհրդի անդամները կոչերով հանդես եկան, որպեսզի անհապաղ բացվի Լաչինի միջանցքը, ինչը շատ կարեւոր է: Այս մասին այսօր՝ դեկտեմբերի 21-ին, ԱԺ-ում լրագրողների հետ զրույցում նշեց ԱԺ ԱԺ փոխնախագահ Հակոբ Արշակյանը՝ անդրադառնալով ՄԱԿ-ի Անվտանգության խորհրդում նախօրեին Լաչինի միջանցքի հարցով նիստին:
«Դա նաեւ տարված ծավալուն աշխատանքի արդյունք է, եւ մենք ամեն ինչ անելու ենք, որ մեր եղբայրներն ու քույրերը այդ միջանցքով երթեւեկելու եւ բեռների փոխադրման իրավունքը վերականգնեն»,-ասաց նա:
Հարցին, թե ՄԱԿ-ն ունի՞ գործուն մեխանիզմներ, որ ստիպի Ադրբեջանին բացել միջանցքը, Արշակյանը պատասխանեց. «Դուք գիտեք, որ նաեւ բանաձեւերի ընդունման հնարավորություններ կան, նաեւ տարբեր տեսակի քաղաքական մեխաքնիզմներ կան, ՄԱԿ-ի ԱԽ գործիքակազմը հայտնի է, եւ մենք ամեն ինչ պետք է անենք, որ այդ գործիքակազմը կիրառվի ամբողջ ծավալով»:
