ՆախընտրելիՀայաստան կգան նոր թե՛ իշխանական, և թե՛ ընդդիմադիր ուժեր, այլ կերպ լինել չի կարող։ Դրա մասին NEWS.am-ի թղթակցի հետ զրույցում հայտարարել է քաղտեխնոլոգ Կարեն Քոչարյանը։ Նա պարզաբանել է, որ աշխարհաքաղաքական տարբեր վեկտորներ ունեցող տարբեր հարթակներում փորձում են վերնախավեր ստեղծել։ Փորձագետը դա որակել է ասվածի միակ, բայց լուրջ ազդանշանը։
Ըստ նրա՝ տպավորություն է ստեղծվում, որ Հայաստանում Մովսեսի պրոցեսն է ընթանում. բոլորին տանում են դաշտը մաքրելու ճանապարհով, որ մի նոր բան երևան գա, որը կստեղծի հայկականը, ոչ խորհրդայինը կամ թուրքականը:
«Իրադարձությունների ներկայիս զարգացումը ուրախացնող է այն առումով, որ եթե նախկինում անընդհատ թեժ աշուն էին խոստանում, իսկ հետո այս փուչիկը պայթում էր, ապա հիմա ոչ ոք ոչինչ չի խոստանում, և կարող է տեղի ունենալ հակառակը»,- նշել է Քոչարյանը։ Նա կարծում է, որ Հայաստանում քաղաքական կյանք, կուսակցություններ կամ քաղաքական գործիչներ չկան։
«Իշխանություններն իրենց օրակարգն են թելադրում հեծանիվներով և այլ բաներով, բայց դա քաղաքական օրակարգ չէ, Հայաստանում նման բան պարզապես չկա։
Իրական քաղաքական դաշտ ձևավորելու համար պետք է ձևավորվեն վերնախավեր, որոնք Հայաստանում երբեք չեն եղել, և ոչ ոք դրա մասին չի մտածել։ Վերնախավը պետք է լինի տարբեր ոլորտների մասնագետներ ներառող համայնք, որոնցից յուրաքանչյուրն առկա խնդիրների համար լուծումներ է առաջարկում իր ոլորտում: Այդ մարդիկ համախմբվելու են քաղաքական գործիչներին օրակարգ թելադրող պետական վերնախավի մեջ»,- նշել է քաղտեխնոլոգը։
Նրա գնահատմամբ՝ ընդդիմության խնդիրն այն է, որ իմանալով, որ պայքարի այս կամ այն եղանակը հաջողությամբ չի պսակվում, այնուամենայնիվ, շարունակում է գնալ նույն ճանապարհով։ Նա ենթադրում է, որ իշխանությունները միաժամանակ թե՛ հերթական, թե՛ արտահերթ ընտրությունների են պատրաստվում։
«Ընդ որւմ, իշխանությունը որոշակի կայուն ընտրազանգված ունի։ Խոսքը ընտրողների 10-11 տոկոսի մասին է։ Ընդսմին, Հայաստանում շատ բան կորոշի անկայուն ընտրազանգվածը՝ ընտրողների 70-75 տոկոսը։
Բնակչության այս հատվածն առհասարակ չգնաց Երևանի ավագանու ընտրություններին, և բոլորը պետք է աշխատեն այս չկողմնորոշված և հետպատերազմյան ցնցում ապրող ընտրազանգվածի համար»,- եզրափակել էՔոչարյանը։
