նախընտրելի դարձնել2018 թվականից ի վեր Վազգեն Սարգսյանի անվան ռազմական ակադեմիայի կուրսանտների թիվն աճել է 26%-ով։ Այս մասին նոյեմբերի 13-ին Ազգային ժողովի նիստում՝ 2026 թվականի պետական բյուջեի նախագծի քննարկման ժամանակ, հայտարարել է պաշտպանության նախարար Սուրեն Պապիկյանը։
Զգալիորեն աճել է նաև նրանց կրթաթոշակը։ Այսպիսով, 2018 թվականին բազային կրթաթոշակը կազմում էր 5,300 դրամ։ Ծառայության գերազանցիկներին հատկացվում էր մինչև 20 հազար դրամ։ «Հիմա բազային կրթաթոշակը աճում է ըստ կուրսերի։ Առաջին կուրսի բազային կրթաթոշակը կազմում է 15 հազար դրամ և ըստ առաջադիմության կուրսանտը կարող է ստանալ 45000, 60000, 75000 դրամ։ Հինգերորդ կուրսում նշված գումարները համապատասխանաբար հասնում են 35 հազար և 175 հազար դրամի», — հայտնել է Պապիկյանը։
Մոնթե Մելքոնյանի անվան ռազմական ակադեմիայի կուրսանտները նախկինում կրթաթոշակ չէին ստանում: Այժմ նրանց կրթաթոշակը տատանվում է 15,000-ից մինչև 45,000 դրամի սահմաններում:
