նախընտրելի դարձնել«Մեր ձևով» շարժումը սկսում է ստորագրահավաք իրականացնել՝ էլեկտրաէներգիայի սակագները իջեցնելու համար։ Դեկտեմբերի 3-ին մամուլի ասուլիսում իրավաբան Գոհար Մելոյանը հայտնել է, որ ստորագրահավաքը անցկացվելու է ողջ Հայաստանում։ Օրենքով ժամկետներ նախատեսված չեն, սակայն կազմակերպիչները նպատակ ունեն հավաքն անցկացնել հնարավորինս սեղմ ժամկետներում։
Մելոյանը հիշեցրել է հարցի նախապատմությունը։ Ընթացիկ տարվա մայիսին, դեռևս մինչև «ՀԷՑ»-ի սեփականատիրոջ՝ համաշխարհային ճանաչում ունեցող գործարար և բարերար Սամվել Կարապետյանի կալանավորումը, «Հայաստանի էլեկտրական ցանցեր» (ՀԷՑ) ընկերությունն անձամբ էր ՀԾԿՀ (Հանրային ծառայությունները կարգավորող հանձնաժողով) ներկայացրել առաջարկություն՝ սակագները 6 մլրդ դրամի չափով խնայված միջոցների հաշվին նվազեցնելու համար։ Ինչպես նշել է Մելոյանը՝ խնայողությունները հաջողվել է իրականացնել՝ 10 տարվա ընթացքում ստեղծված համակարգի, նոր հաշվիչների ներդրման, էլեկտրաէներգիայի գողության կանխման և այլնի շնորհիվ։ Ընկերությունը հաշվարկել է, որ հետագայում ևս հնարավոր կլինի խնայել։ Սակայն ՀԾԿՀ-ն մերժել է սակագները իջեցնելու որոշումը՝ պատճառաբանելով նրանով, որ խնայված միջոցները կարող են անհրաժեշտ լինել։
ՀԾԿՀ-ն առայժմ անտեսում և չի պատասխանում ՀԷՑ-ի երկրորդ դիմումին։ Շարժման ներկայացուցիչ Արթուր Միքայելյանի խոսքով՝ հնարավորություն կա սակագները իջեցնել 3 դրամով, ինչը կարևոր է առաջին հերթին սոցիալապես անապահով խմբերի համար։ Նա նաև ընդգծել է, որ ՀԷՑ-ը Սամվել Կարապետյանին անցնելու պահից էլեկտրաէներգիայի գինը չի բարձրացել, չնայած նրան, որ երկրում տարեցտարի ամեն ինչ թանկանում է։ «Առաջին հայացքից թվում է, թե 3 դրամի գումարը փոքր է, բայց մեկ տարվա ընթացքում խնայված գումարը թույլ կտա մեկ-երկու ամսվա գազի կամ լույսի վարձը վճարել։ Դա լուրջ օգնություն է մարդկանց համար», - նշել է նա։
Մելոյանը ՀԾԿՀ-ի մերժումները որակել է որպես մանիպուլյատիվ և բացարձակ անհեթեթ համարել այն, որ սեփականատերը առաջարկում է իջեցնել սակագինը, իսկ Հանձնաժողովը դիմադրում է։ Նա փաստել է, որ «ՀԷՑ»-ը Կարապետյանին փոխանցելու պահին գտնվել է սնանկացման եզրին։ Գործարարը ներդրել է շուրջ 800 մլն դոլար և 5 տարվա ընթացքում կարողացել է ոտքի կանգնեցնել ընկերությունը։ Ընդ որում, Կարապետյանը ոչ միայն կատարել է էլեկտրաէներգիայի գինը չբարձրացնելու խոստումը, այլև հնարավորություն է ստեղծել դրանք իջեցնելու համար։ «Պետք է իշխանություններին հարցնել, թե ինչու են նրանք խոսում հնարավոր թանկացման մասին, այն դեպքում, երբ կա իջեցման հնարավորություն», - նկատել է Գոհար Մելոյանը։
Միևնույն ժամանակ, նա չի բացառել, որ Հանրային կարգավորող հանձնաժողովը և ԵՏՀ-ի ժամանակավոր կառավարիչը դիմադրում են սակագների նվազեցմանը՝ մտադիր լինելով խնայված 6 միլիարդը ծախսել «բոնուսների» վրա։
