նախընտրելի դարձնել«Քաղաքացիական պայմանագիր» իշխող խմբակցության պատգամավոր Սարգիս Խանդանյանը հիբրիդային սպառնալիքների դեմ պայքարի հարցով ՀՀ իշխանությունների դիմումը Եվրամիությանը բացատրել է եվրոպական երկրների մոտ գործուն մեխանիզմների և գործիքակազմի առկայությամբ
Լրագրողների հետ զրույցում պատգամավորը հիշեցրել է, որ հիբրիդային հարձակումներն ու ապատեղեկատվությունը միայն Հայաստանի խնդիրը չեն։ «Այս առումով ԵՄ-ն և մի շարք այլ երկրներ ու կազմակերպություններ ունեն որոշակի գործիքակազմ, որը արդյունավետություն է ցուցաբերում։ Հայաստանը պատրաստ է համագործակցել ԵՄ-ի հետ այս հարցում։ ԵՄ-ն ունի նման գործիքակազմ և պատրաստ է այն կիսել ՀՀ-ի հետ։ Այստեղ չկա և չի կարող լինել ՀՀ գործերին միջամտության հարց, սա փորձի փոխանակում է»,- հայտարարել է պատգամավորը։ Միևնույն ժամանակ, նա խորհուրդ է տվել մտահոգված ընդդիմադիրներին հարցնել, թե նրանք ինչպես են գնահատում «ռուսաստանցի օլիգարխի միջամտությունը»։ Թե հատկապես ում նկատի ուներ՝ պատգամավորը չի հստակեցրել, հավանաբար ակնարկելով Սամվել Կարապետյանին։ Ճշտող հարցին, թե արդյոք իշխանությունները քաղաքականությանը մասնակցությունը համարում են «հիբրիդային սպառնալիք», Խանդանյանը հետ է քաշվել՝ հայտարարելով, թե «դա այդպես չէ», և օրինակը բերել է իշխանությունների հասցեին հնչած մեղադրանքները։
Լրագրողները հետաքրքրվել են, թե արդյոք հիբրիդային սպառնալիքները այն ամենն են, ինչը դուր չի գալիս իշխանություններին: Խանդանյանը սկսել է դատողություններ անել՝ միաժամանակ մեղադրելով տեղական լրատվամիջոցներին և չմոռանալով հիշատակել դրանց ֆինանսավորման հարցը
Պատգամավորին կրկին հիշեցրել են, որ ԵՄ-ում հայտարարում են, թե իբր ՀՀ-ի համար հիբրիդային սպառնալիքների աղբյուրը Ռուսաստանն է. համաձա՞յն է նա արդյոք սրա հետ: Չտալով «այո» կամ «ոչ» ուղիղ պատասխան՝ Խանդանյանը ասել է, որ «ՌԴ պետական հեռուստաալիքների բովանդակությունը», այդ ալիքներով ՀՀ ժողովրդավարական գործընթացների վերաբերյալ հնչող կարծիքները հիբրիդային քայլեր են: Հավելելով, որ պետք չէ ամեն ինչ միակողմանի գնահատել: Խնդիրները կարող են լինել տարբեր կողմերից, այդ թվում՝ երկրի ներսից:
Երբ Խանդանյանին հարցրին օգտագործված գործիքների մասին, պարզվել է, որ նա ծանոթ չէ մանրամասներին։ «Ես մասնագետ չեմ։ Ինչպե՞ս են նրանք պայքարում ապատեղեկատվության դեմ։ Կառավարական կառույցները բարելավելով և լրատվամիջոցներին աջակցելով», - կարծում է Խանդանյանը։
Հիբրիդային սպառնալիքներին հակազդելը նշանակում է արդյոք արևմտամետ կուրս։ Ոչ, ասում է Խանդանյանը, ԵՄ երկրները նույնպես բախվում են նման սպառնալիքների։ Պատգամավորը որպես օրինակ բերել է Ռումինիան։
Կլինե՞ն արդյոք քաղաքացիներին լռեցնելուց ավելի մեղմ մեթոդներ։ Պատգամավորը հարցին պատասխանելուց ասել է, որ պետք է նրանցից սովորել մեղմ մեթոդներ և, որ Եվրոպական երկրներն ավելի անողոք են։ Պատգամավորը տեղյակ չէ, թե ինչպես և երբ է գումարը փոխանցվելու Հայաստանի իշխանություններին։
Երբ հարցրին, թե կարո՞ղ է պատկերացնել, որ քաղաքացուն Նոտր Դամի տաճարից դուրս են դուրս բերում բերանը փակ վիճակով՝ Խանդանյանը խորհուրդ է տվել նայել, թե ինչպես է ոստիկանությունը գործում Ֆրանսիայում և այստեղ։
Քանի որ իշխող կուսակցության պատգամավորը մի քանի անգամ հայտարարել է, որ Հայաստանի ուժային կառույցները գործում են շատ ավելի մեղմ (ըստ էության՝ ավելի ժողովրդավար), քան եվրոպական երկրներում, առաջանում է օրինաչափ հարց. եթե «ժողովրդավարության բաստիոնում» վիճակն առանց այդ էլ ավելի լավն է, քան Եվրոպայում, ապա ինչո՞ւ օրինակ վերցնել այն երկրներից, որտեղ գործերն ավելի վատ են, իսկ ոստիկանությունը գործում է ավելի կոպիտ»։
