նախընտրելի դարձնելՍամվել Կարապետյանի անունը չէր կարող լինել համամասնական ցուցակի թեկնածուների թվում, քանի որ ներկա պահին արգելք գոյություն ունի։ Դրա մասին ապրիլի 21-ին «Ուժեղ Հայաստան» կուսակցության համագումարում հայտարարել է քաղաքական ուժի անդամ Գոհար Մելոյանը:
«Մենք ի սկզբանե հայտարարել ենք, որ Սամվել Կարապետյանին վարչապետի պաշտոնում առաջադրելու ճանապարհին կա միայն մեկ տեխնիկական խոչընդոտ, և եթե բնակչությունն իր ձայնը տա Կարապետյանին, ապա այդ հարցը հնարավոր կլինի լուծել սահմանադրական փոփոխությունների միջոցով, որպեսզի միայն Հայաստանի քաղաքացիություն ունենալու պարտադիր պահանջ չլինի։
Միևնույն ժամանակ, այլ երկրների քաղաքացիությունից հրաժարվելու գործընթացն ընթացքի մեջ է։ Հայաստանի վարչապետ Սամվել Կարապետյանը լինելու է միայն Հայաստանի քաղաքացի»,- հավելել է նա։
Մելոյանը պարզաբանել է, որ կուսակցությունը պատրաստ է համագործակցել բոլոր ուժերի հետ, բացի այն ուժերից, որոնք այսօր ներկայացված են խորհրդարանում։
