Առավոտյան ահազանգ է ստացվել, որ Արաբկիր վարչական շրջանում` Կոմիտաս 49 շենքի մոտ պայթուցիկ նյութ է տեղադրված: Դեպքի վայր են ժամանել ոստիկաններ, ԱԻՆ աշխատակիցներ ու շտապօգնության մեքենաները շտապել են:
Սակայն քիչ առաջ ՀՀ ոստիկանության Արաբկիրի բաժնից NEWS.am-ի թղթակցին տեղեկացրեցին, որ ահազանգը կեղծ է եւ չի համապատասխանում իրականությանը: Հարկ է նկատել, որ տեղի բնակչությունը կեղծ ահազանգից հասցրել է մի լավ վախենալ եւ սպասողական դրության մեջ հայտնվելով մեկուսանալ սույն տարածքից: