Հանրապետության հրապարակում մայիսի 4-ին տեղի ունեցած պայթյունի հետեւանքով տուժածներից 28-ը այժմ տարբեր հիվանդանոցների վերակենդանացման բաժանմունքներում են: Այս մասին NEWS.am-ին տեղեկացրեց Հայաստանի առողջապահության նախարարության մամուլի ծառայության ղեկավար Շուշան Հունանյանը:
Մայիսի 5-ի ժամը 01:00 դրությամբ 154 տուժածներից մայրաքաղաք Երեւանի տարբեր հիվանդանոցներում է 98 մարդ:
Հիշեցնենք, որ մայիսի 4-ին Հանրապետական կուսակցության հանրահավաքի ժամանակ ողբերգական իրադարձություն է տեղի ունեցել: Պայթել եւ բռնկվել են հարյուրավոր փուչիկներ, որոնք գազով են լցված եղել: Հրդեհված փուչիկների հալված ռետինը լցվել է հանրահավաքի մասնակիցների վրա: Հիմնականում տուժել են բեմի մոտակայքում կանգնած հանրահավաքի մասնակիցները:
