Հայաստանում փրկարարները կանխել են երիտասարդ տղամարդու ինքնասպանության փորձը:
Ինչպես տեղեկացնում է Հայաստանի արտակարգ իրավիճակների նախարարության մամուլի ծառայությունը, երեկ` մայիսի 4-ին, ժամը 21.57-ին տեղեկատվություն է ստացվել, որ «Հաղթանակ» կամրջից պատրաստվում է ցած նետվել մոտ 30 տարեկան տղամարդ:
Դեպքի վայր է մեկնել փրկարար ուժերի վարչության հատուկ փրկարարական ջոկատը: Տեղում պարզվել է, որ ինքնասպանության փորձ կատարողը Արագածոտնի մարզի Եղիպատրուշ գյուղի բնակիչ, 1985թ. ծնված Էդգար Մ.-ն է:
Փրկարարները երիտասարդին տեղափոխել են Կենտրոնի ոստիկանության բաժին: