Երեւանի ավագանում անդամությունից հրաժարականի դիմում են ներկայացրել «Հայ ազգային կոնգրես» դաշինքի ընտրացուցակով ընտրված ավագանու անդամներ Լյուդմիլա Սարգսյանը, Լեւոն Զուրաբյանը, Ստեփան Դեմիրճյանը, Հրանտ Բագրատյանը եւ Խաչատուր Քոքոբելյանը։ Այս մասին, այսօր` մայիսի 30-ին, Երեւանի ավագանու նիստում հայտարարել է քաղաքապետ Տարոն Մարգարյանը:
Նրա խոսքով, Երեւանի Աջափնյակ եւ Դավթաշեն վարչական շրջանների ղեկավարներ նշանակվելու հիմքով Երեւանի ավագանու անդամությունից հրաժարականի դիմում են ներկայացրել նաեւ Հայաստանի հանրապետական կուսակցության ընտրացուցակով ընտրված Ռուսլան Բաղդասարյանը եւ Արտավազդ Սարգսյանը:
Տարոն Մարգարյանը նշել է, որ հրաժարականների վերաբերյալ արձանագրությունը, ներկայացված դիմումների պատճեների հետ, կներկայացվի Հայաստանի ԿԸՀ։
