Հայաստանի վարչապետ Տիգրան Սարգսյանը հանդիպել է «Ժառանգության» խմբակցության ղեկավար Ռուբեն Հակոբյանին: Այս մասին NEWS.am-ի թղթակցի հետ զրույցում հայտնեցին Կառավարության լրատվական ծառայությունից:
Նրանց փոխանցմամբ` քննարկել են Կառավարության ծրագրի հիմնադրույթները: Ռուբեն Հակոբյանն իր հերթին վարչապետին է ներկայացրել «Ժառագության» կողմից մշակված նոր Հայաստանի ծրագիրը: Կողմերը պայմանավորվել են, որ «Ժառանգությունը» իր վերջնական դիրքորոշումը կհայտարարի Կառավարության ամբողջական ծրագրին ծանոթանալուց հետո խորհրդարանական քննարկումների արդյունքում:
NEWS.am-ի տեղեկություններով` առաջիկայում Տիգրան Սարգսյանը կհանդիպի նաեւ խորհրդարանական մյուս խմբակցությունների հետ:
Ավելի վաղ NEWS.am-ը հայտնել էր, որ վարչապետ Տիգրան Սարգսյանը հանդիպել է ՀՀԿ, ՕԵԿ եւ ԲՀԿ ներկայացուցիչներին` քննարկելու կառավարության ծրագրի դրույթները:
