Հայաստանի խորհրդարանի մշտական հանձնաժողովները հունիսի 22-ին նիստեր են արել, որոնց ընթացքում ընտրվել են հանձնաժողովների փոխնախագահները, նաեւ հաստատվել է աշխատակարգը:
Պաշտպանության, ազգային անվտանգության եւ ներքին գործերի հանձնաժողովի փոխնախագահ է դարձել «Բարգավաճ Հայաստան» խմբակցության պատգամավոր Գրիգոր Գրիգորյանը:
Եվրաինտեգրման հանձնաժողովի փոխնախագահը ԲՀԿ-ական Մարտուն Գրիգորյանն է:
Գյուղատնտեսության եւ բնապահպանության հարցերի հանձնաժողովի փոխնախագահ է ընտրվել հանրապետական Տաճատ Վարդապետյանը:
Առողջապահության, մոր եւ մանկան հարցերի հանձնաժողովի փոխնախագահ է ընտրվել ՀՀԿ-ական Մանվել Բադեյանը:
Արտաքին հարաբերությունների հանձնաժողովի փոխնախագահ է ընտրվել «Ժառանգություն» խմբակցության պատգամավոր Ալեքսանդր Արզումանյանը:
Գիտության, կրթության, մշակույթի, երիտասարդության եւ սպորտի հարցերի հանձնաժողովի փոխնախագահ է ընտրվել ՀՀԿ-ական Կարինե Պողոսյանը:
Սոցիալական հարցերի հանձնաժողովի փոխնախագահ է ընտրվել ՕԵԿ-ական Խաչիկ Հարությունյանը, պետաիրավական հարցերի հանձնաժողովի փոխնախագահ է ընտրվել ՕԵԿ-ական Հովհաննես Մարգարյանը:
Մարդու իրավունքների եւ հանրային հարցերի հանձնաժողովի փոխնախագահ է ընտրվել ՀՀԿ-ական Մարգարիտ Եսայանը, իսկ տարածքային կառավարման եւ տեղական ինքնակառավարման հարցերի հանձնաժողովի փոխնախագահ է ընտրվել ՀՀԿ-ական Արայիկ Հովհաննիսյանը:
Հայ ազգային կոնգրեսը հրաժարվել էր փոխնախագահի պաշտոնից:
