Մոսկվայի քաղաքապետ Սերգեյ Սոբյանինն Ալեքսանդր Կուզմինի արձակուրդի ընթացքում Մոսկվայի ճարտարապետական կոմիտեի նախագահի պաշտոնակատար է նշանակել տեղակալ Ռուբեն Մուլքիջանյանին:
Ինչպես Մոսկվայի քաղաքային վարչակազմին վկայակոչելով հայտնում է «Մոսկովսկի կոմսոմոլեցը» , նախորդ շաբաթ հայտնի էր դարձել, որ Մոսկվայի ճարտարապետական կոմիտեի նախագահ Ալեքսանդր Կուզմինը, որն այդ պաշտոնն զբաղեցնում է 1996թ.-ից, հրաժարական է տվել եւ արձակուրդից հետո կլքի պաշտոնը: Մոսկվայի ճարտարապետների միության նախագահը Նիկոլայ Շումակովը հայտնել է, որ ներկա պահին կոմիտեն ղեկավարում է նախագահի տեղակալ Ռուբեն Մուլքիջանյանը:
Ռուբեն Մուլքիջանյանը ծնվել է 1948թ. Մոսկվայում: 1973թ. ավարտել է Մոսկվայի հողաշինարարական ինստիտուտը:
1995-2006թթ. եղել է Իրավունքի եւ կառավարման ակադեմիայի տնօրենի առաջին տեղակալը:
2006թ. եղել է Մոսկվայի քաղաքային ծրագրերի համակարգման եւ զարգացման վարչության ճարտարապետության եւ քաղաքաշինության կոմիտեի նախագահը, գրում է vesti.ru-ն:
2006-2007թթ. աշխատել է որպես Մոսկվայի ճարտարապետության եւ քաղաքաշինության կոմիտեի Կազմակերպա-վերլուծական վարչության պետ:
2007թ. -ից Մոսկվայի ճարտարապետության եւ քաղաքաշինության կոմիտեի նախագահի տեղակալն է: Ճարտարապետության միջազգային ակադեմիայի թղթակից անդամ է, Ռուսաստանի պատավոր շինարար, ՌԴ վաստակավոր շինարար, Ռուսաստանի ճարտարապետների միության անդամ: