ՉորեքշաբթիՍեպտեմբեր 03
  • USD 411.29
  • EUR 539.28
  • RUB 11

Հայաստանում կարտադրվեն իտալական ու ֆրանսիական շամպայններին մրցունակ շամպայններ

00:22, 20.07.2012 Տարածաշրջան: Հայաստան Թեմա: Տնտեսություն, Հասարակություն

«Արմենիա վայն» ընկերությունը ձեռնամուխ է եղել շամպայն-գինիների արտադրամասի ստեղծմանը: Այդ նպատակով իրականացման փուլում է ներդրումային ծրագիրը, որի շրջանակներում ընկերությունը նաեւ հարկային արտոնություն է ստացել ՀՀ կառավարությունից (ներմուծված սարքավորումների համար ավելացված արժեքի հարկի վճարումը հետաձգվել է): Հաշվի առնելով այն հանգամանքը, որ Հայաստանում շամպայն-գինիներն այնքան էլ մեծ պահանջարկ չեն վայելում, ինչպես նաեւ արդեն իսկ կա շամպայն-գինիների արտադրություն, ընկերությունից փորձեցինք պարզել, թե որքանո՞վ հեռանկարային է շամպայն-գինիների արտադրությունը: Ընկերությունից ստացված պատասխանները ներկայացնում ենք ոչ էական կրճատումներով:

Արդյոք հայկական շուկայում շամպայն-գինիների պահանջարկ կա՞, հաշվի առնելով, որ մեկ այլ ընկերություն նույնպես զբաղվում է դրա արտադրությամբ:

Մենք նախատեսում ենք արտադրել բնական շամպայն գինիներ` դասական եղանակով, ոչ թե կատարում ենք գինիների արհեստական գազավորում, ինչպես լիմոնադի կամ հանքային ջրերի դեպքում: Բնական խմորման ճանապարհով շամպայն-գինիների ստացման համար հարկավոր է օգտագործել շատ թանկարժեք տեխնոլոգիաներ, սարքեր եւ սարքավորումներ: Առաջիկա ամիսներին Հայաստան կներկրվեն անհրաժեշտ բոլոր սարքավորումները: Հավատացեք, որ նման տեխնոլոգիաներով շամպայն-գինիներ արտադրող գործարանները շատ չեն աշխարհում: Այսպիսով` մենք ստանալու ենք իտալական եւ ֆրանսիական շամպայն-գինիներին մրցունակ արտադրանք:

Ի՞նչ հեռանկարներ կան արտահանման առումով:

Ժամանակակից տեխնոլոգիաների կիրառությամբ մենք ապահովում ենք բարձրակարգ գինիների ստացումը: «Արմենիա վայն» ընկերությունը ներգրավել է փորձառու, բանիմաց մասնագետներ արտերկրից: Մեր ընկերության գլխավոր խորհրդատուն ֆրանսիացի փորձաշատ գինեգործ Ժան-Բատիստ Սուլան է, ում անմիջական ղեկավարության ներքո է ընկերության արտադրական գործունեությունը: Արտադրության տնօրենը Մաթյո Բեսոնեն է` Ֆրանսիայի Բորդո քաղաքից, ով մշտական հիմունքներով աշխատանքի է անցել Հայաստանում: Իսկ շամպայն-գինիների արտադրության խորհրդատուն Պաուլո Պեյրան է` Իտալիայից: Հենց այս մարդկանց անմիջական աշխատանքի արդյունքում են ծնվելու մեր ապագա շամպայն-գինիները: «Արմենիա վայն» ընկերության արտադրանքն ունենալու է մրցունակության բարձր աստիճան եւ վաճառքի լավ հեռանկար համաշխարհային շուկայում:

Ի թիվս գերժամանակակից տեխնոլոգիական ներդրումների` մենք աշխատանքներ կիրականացնենք շամպայն-գինիների օգտագործման մշակույթը Հայաստանում զարգացնելու ուղղությամբ: Շամպայնը մեզ մոտ հիշում են մարտի 8-ին եւ Ամանորին, կամ էլ հոբելյանական տորթի ժամանակ: Մինչդեռ աշխարհում նման գինիներն օգտագործվում են ամենօրյա կենցաղում, նախուտեստների հետ, որպես ապերետիվ եւ պարզապես հաճույքի ու լավ տրամադրության ապահովման համար:

Ի՞նչ տեսակի շամպայնների արտադրության մասին է խոսք գնում:

Նախատեսվում է արտադրել սպիտակ եւ վարդագույն շամպայն-գինիներ` չոր, կիսաչոր եւ կիսաքաղցր տեսակներով:

Լուրեր Հայաստանից - NEWS.am

Այս թեմայով

Անահիտ Բախշյան. Քաղաքապետը խոստացել է, որ «Աֆրոդիտե» բարը կդադարի գործել

2014թ. օգոստոսի 1-ից Խանջյան փողոցի 35 հասցեում գտնվող...

«Ժողովուրդ». Արտառոց դեպք Արմավիրի մարզի Գայ համայնքում

Շատ բնակիչներ «Կամուրջ» վարկային կազմակերպությունից վարկ են վերցրել եւ ամեն ամիս մարել այն՝ գյուղապետարանի աշխատակից Տաթեւիկին փոխանցելով...

Վարչապետն այցելել է Դիլիջանի միջազգային դպրոց

Նոր համալիրը կունենա մարզահրապարակներ, մանկական կենտրոններ, համաժողովների, հանդիպումների համար նախատեսված դահլիճ, լողավազան, կինոսրահ, ռեստորան, ստորգետնյա ավտոկանգառ...

«Հայկական ժամանակ». Գալուստ Սահակյանի որդին խոստովանեց

Սա՝ չնայած այն բանին, որ արդեն տեւական ժամանակ է...

Արտասահմանյան դիվանագետները Լոնդոնին պարտք են 140 մլն դոլար

Օտարերկրյա դեսպանատները Լոնդոնի տրանսպորտային համակարգին ավելի քան 82 մլն ֆունտ ստեռլինգ (142 մլն դոլար) են պարտք քաղաքի կենտրոն մուտք գործելու...

Հիտլերի համար ստեղծված կործանիչները վաճառքի կհանվեն

Կործանիչները բազմաթիվ անգամներ օգտագործվել են հոլիվուդյան եւ բրիտանական կինոնկարներում, սակայն իրենց մարտական…