ՇաբաթՆոյեմբեր 01
  • USD 411.26
  • EUR 517.12
  • RUB 9.78

Սիրիայի հայ համայնքի ներկայացուցիչ. Նրանք, ովքեր լքում են Սիրիան, ժամանակավոր, ա

00:01, 21.07.2012 Տարածաշրջան: Աշխարհում, Հայաստան, Սփյուռք Թեմա: Քաղաքականություն, Հասարակություն

Սիրիայի հայ համայնքին ոչ ոք չի նեղում, ոչ իշխանությունը, ոչ ընդդիմությունը: Այդ մասին NEWS.am-ի թղթակցի հետ զրույցում հայտարարել է համայնքի ներկայացուցիչ Խաչիկ Ջոզիկյանը Հալեպից:

Խաչիկ Ջոզիկյանը ժամանակավոր է Հայաստանում, եկել է տեսակցի երեխաներին եւ Սիրիան լքել չի պատրաստվում: «Սիրիայում եւ հատկապես ամենահայաշատ քաղաքում` Հալեպում հայերի վիճակը նույնն է, ինչ նախկինում: Հայերը ոչ մի ճնշման չեն ենթարկվում իշխանության կամ ընդդիմության կողմից: Բոլորը հարգում են հայերին, եւ մենք հանդես չենք գալիս այս կամ այն կուսակցության կողմից, այլ զբաղված ենք մեր գործերով»,- նկատել է Խաչիկ Ջոզիկյանը:

Նա հիշեցրել է, որ հայերը Սիրիայում հաստատվել են բոլորովին էլ ոչ 1915թ. Հայոց ցեղասպանությունից հետո: «Նրանք ապրել են բազում դարեր: Սիրիան հայերի համար հայրենիք է, որը չի կարելի լքել: Հայաստանը մեզ համար մնում է Հայաստան, որպես հեռավոր հայրենիքի նմուշ, բայց Սիրիան մեզ համար, այնտեղ ծնվածների համար հարազատ տուն է, մենք սովորել ենք մեր խոհանոցին, հասարակությանը, ընկերներին, շատ բարդ է այդ ամենը թողնել եւ փախչել այլ երկիր, կյանքը նորից սկսել»,- ասել է Ջոզիկյանը:

Նա նշել է, թե խոսք չի գնում Սիրիայից փախչելու մասին: «Նրանք, ովքեր լքում են Սիրիան, ժամանակավոր, այլ ոչ մշտական կացարան են որոնում: Մինչ երկիրը վերադառնա խաղաղ կյանքի: Շատերը գալիս են Հայաստան, շատերն են աշխարհագրորեն ավելի մոտ երկրներ` Լիբանան, Հորդանան, Արաբական Միացյալ Էմիրություններ: Ամենագլխավորը, մեզ ոչ ոք չի վտարում Սիրիայից, մենք Սիրիայի հավատարիմ քաղաքացիներ ենք: Հայերի մի մասի հեռանալը ժամանակավոր բնույթ է կրում»,- կարծում է Ջոզիկյանը: 

Նրա գնահատականներով Սիրիան կլքի ոչ ավելի, քան 10 տոկոս: Նա նշել է, թե շատերը Հայաստանի քաղաքացիություն են ստանում, բայց չեն ձգոտւմ մնալ, այլ վերադառնալ Սիրիա: «Խուճապ չկա: Նա, ով լքել է տունը Հոմսում, տեղափոխվել է Դամասկոս, Լաթաքիա, Քեսաբ»,- նշել է նա` հավելելով, որ Սիրիայի մասին տեղեկությունները ոչ միշտ են ճիշտ հաղորդվում, եւ հերքել է խաղաղ բնակիչների վրա հարձակման լուրերը:

Լուրեր Հայաստանից - NEWS.am

Այս թեմայով

«Հայկական ժամանակ». Հովհաննես Թամամյանը մեկուսացել է Ծաղկաձորում

Ծաղկաձորյան իր շքեղ առանձնատանը Թամամյանը շփվում է միայն քոչարյանական նեղ շրջանակի հետ...

Շուտով կբացվի Լոռու ճգնաժամային կառավարման կենտրոնը

Տարվա սկզբին Արտակարգ իրավիճակների նախարարություն կատարած այցի ժամանակ ՀՀ նախագահը որպես առանցքային խնդիր առանձնացրել էր մարզային կառույցների ստեղծման միջոցով…

«Հայկական ժամանակ». Երեւանի փոխքաղաքապետերի եւ նրանց կանանց ճոխ ունեցվածքը

Ինչպես երեւում է, 2003-ից մինչ օրս Երեւանի փոխքաղաքապետ աշխատող Կամո Արեյանի գործերը տարեցտարի դեպի վատն են գնում...

«Ժողովուրդ». Խաչիկ Ասրյանին մարզպետ չեն նշանակի, բայց կենացը խմել են

Ասրյանն իր մեծ ներուժով պետք է լինելու սեպտեմբեր ամսից՝ ավելի լուրջ գործընթացների համար...

«Հայկական ժամանակ». Շատերը մոռացել են 2005-ի «ուրվականների հանրաքվեն»

Ռոբերտ Քոչարյանի ներկայացրած սահմանադրական փոփոխությունների փաթեթը հանրաքվեի արդյունքներով ջախջախիչ պարտություն էր կրել...

«Առավոտ». Համաժողովրդական քննարկումների իմիտացիա՝ «սովետի» ոգով

Գերագույն Սովետ ներկայացվող օրենքի նախագծում աշխատանքային խումբը պարտադիր թողնում էր մի քանի շտկելու հարցեր...

Partner news