Այսօր Google–ը իր տոնական doodle-ը նվիրել է նշանավոր գերմանացի դաշնակահարուհի, կոմպոզիտոր եւ երաժտության ուսուցչուհի Կլարա Շումանին եւ նրա ամուսնուն` Ռոբերտ Շումանին: Հենց նա է իր ամուսնուն մեծ ճանաչում բերել ողջ Եվրոպայում` կատարելով նրա ստեղծագործությունները, քանի որ ինքը`Ռոբերտը, չէր կարողանում դաշնամուր նվագել վերին վերջույթների հիվանդության պատճառով:
Կլարայի առաջին հանրային ելույթները տեղի են ունեցել 10 տարեկան հասակում, արդեն այն ժամանակ երաժշտական քննադատները բարձր են գնահատել նրա տաղանդը:
Կլարան անձամբ ծանոթ է եղել Նիկոլո Պագանինիի եւ Ֆերենց Լիստի հետ: Երիտասարդ տարիքում նա շատ է շրջագայել, իսկ 18 տարեկանում նշանակվել է իմպերատորական-թագավորական պալատական վիրտուոզ: 1840 թ-ի օգոստոսի 1-ին Կլարա Վիկը ամուսնացել է Ռոբերտ Շումանի հետ :
Վերջին համերգը Կլարան տվել է 1891 թ-ին` 71 տարեկան հասակում:
Նա մահացել է 1896 թ-ին Մայնի Ֆրանկֆուրտում:
