Անցած շաբաթ Դերեք Շիրինյանի եւ Գլեն Հյուզի համերգները Երեւանում եւ Ստեփանակերտում... Շիրինյանն ընդամենը երկու սոլո նվագեց. դեմ չլինելով բեմում դեմոկրատիային, նվագակցեց հայկական Dorians խմբին: Շիրինյանը պատրաստ է լինել Dorians-ի հաջորդ ձայնագրության եւ հայկական այլ խմբերի պրոդյուսերը:
Երեւանի եւ Ստեփանակերտի բեմում Black Country-ի Communion –ի կեսն էր` Դուք եւ Գլեն Հյուզը: Մտածո՞ւմ էիք Dorians-ի հետ BCC նվագելու մասին:
Dorians-ը ցանկանում էր նվագել BCC-ի եւ Deep Purple-ի երգերը: Նրանք գիտեին, ինչ էին ցանկանում ներառել իրենց ցանկում, եւ ամեն ինչ շատ լավ էր: Ես կարծում եմ Երեւանում համերգը ֆանտաստիկ անցավ: Դրանից հետո մենք հրաշալի ժամանակ անցկացրինք դեպի Արցախ ճանապարհին, համերգը եւս գերազանց անցավ այնտեղ: Հետո մենք հանդիպեցինք Արցախի նախագահ Բակո Սահակյանի հետ:
Իմ այցն այստեղ հրաշալի էր, եւ հուսով եմ, որ ապագայում ես ավելի հաճախ հանդես կգամ Հայաստանում: Հիմա շատ է խոսվում Dorians-ի հաջորդ ձայնագրությանն իմ պրոդյուսերության մասին: Ես կցանկանայի որպես պրոդյուսեր աշխատել նաեւ հայկական մյուս խմբերի հետ:
Dorians-ի հնչյունը նմա՞ն է նրան, որին Դուք սովոր եք պրոդյուսերություն անել:
Այո, նրանք պրոգրեսիվ են նվագում: Նրաց վոկալիստը` Գոռը, անհավատալի լավն է, նա սուպերաստղի ապագա ունի: Կարծում եմ, նրանց հարկավոր է «բեկումնային» ձայնագրություն` հաջորդ փուլ դուրս գալու համար: Կարծում եմ, ես կկարողանոմ նրանց օգնել:
Կարո՞ղ եք մի փոքր խոսել նոր` Black Country Communion Afterglow-ի մասին: Այն արդեն ավարտվա՞ծ է:
Այո, կթողարկվի հոկտեմբերի 30-ին: Այն արդեն հնարավոր է օնլայն պատվիրել: Ձայնագրությունը լավ է հնչում, մենք այն լսում էինք Արցախի ճանպարհին: Կարծում եմ, սա BCC-ի լավագույն ձայնագրությունն է:
Դուք կցանկանայի՞ք ձայնագրել գերակայող ստեղնային ձայն, ինչպես «Էմերսոն, Լեյք էնդ Փալմերի» մոտ:
Չգիտեմ: Ես հորինում եմ այն, ինչ սիրում եմ լսել: Եթե լսեք իմ յոթ անհատական ալբոմները, դուք կտեսնեք, որ գերակայում է կիթառը: Ես պարզապես կիթառի ֆանատ եմ: Ես ստեղնային ալբոմներ չեմ լսում, դրանք ինձ համար ձանձրալի են: Իմ ոճը միանշանակ ագրեսիվ է եւ ես ցանկանում եմ, որ իմ հնչյունը լսելի լինի, սակայն չեմ ցանականում, որ բոլորն ինձ նվագակցեն: Ես ավելի շուտ թիմային խաղացող եմ, ուստի ինձ հաճելի է ձայնագրության մեջ դնել իմ ոճը:
Չհաշված BCC-ն, վերջին 10-12 տարում Դուք գործիքային երաժշտություն եք նվագել: Կարոտո՞ւմ եք վոկալ կոմպոզիցիաները` Dream Theater-ից եւ Platypus-ից հետո:
Ես սիրում եմ աշխատել գերազանց վոկալիստների հետ: Դա այն է, ինչ ես մշտապես նախընտրել եմ: Բայց շատ հաճախ ես սիրում եմ նաեւ գործիքային երաժշտություն կատարել: Ես սիրում եմ եւ մեկը, եւ մյուսը: Black Country Communion-ում Գլենի հետ աշխատելը հրաշալի է, քանի որ նա ֆանտաստիկ երգիչ է:
Դուք կցանկանայի՞ք ստեղնային պարտիա հորինել բարդ տեքստի համար, ինչպես A Change of Seasons-ի կամ ողջ ալբոմի համար:
Չգիտեմ, չեմ կարծում: Ես կցանկանայի ավելի շատ «նորմալ» երգեր նվագել: Ես նկատում եմ, որ տարիքի հետ իմ ճաշակներն ավելի նվազ պրոգրեսիվ են դառնում: Ցանկանում եմ պարզ եւ հիշվող բաներ կատաել: Ես շատ եմ նվագել, եւ Planet X –ը ավելի պրոգրեսիվ էր ինչ-որ բանում, քան Dream Theater-ը: Հավանաբար, տարիքի հետ ճաշակը փոխվում է:
Դուք կցանկանայի՞ք լինել շարժիչ ուժ` կիթառային G3-ի ստեղնային անալոգի նախագծում:
Դա հրաշալի կլիներ: Ես միանշանակ բաց եմ նման առաջարկությունների համար: Սակայն, անկեղծ ասած, կարծում եմ, որ նման գաղափարներ արդեն մտածել են, եւ չեմ կարծում, որ նախագիծը բավարար չափով հաջող կլինի շրջագայության համար: Դահլիճը պարզապես չի լցվի:
Սակայն նրանք գալիս են Սարատինիի եւ մյուսների համար G3-ում:
Դա այլ բան է: Կիթառն ուրիշ է ստեղնայինի համեմատ: Չեմ կարծում, որ K3 –ը (Keyboard 3) կաշխատի: Սակայն եթե որեւէ մեկը նման նախագիծ անի եւ այն նորմալ լինի, ես միանշանակ դրան կմասնակցեմ:
Իսկ կացանկանայի՞ք Ձեր ալբոմներում մեկ-երկու կիթառային պարտիաներ նվագել..
Ես` կիթառո՞վ...
Այո, Nightmare Cinema-ում…
Դե ես դա պարզապես հաճույքի համար էի անում: Դա չի կարելի նվագել համարել:
Ավագ սերնդի կիթառահարներից ո՞ւմ հետ կցանկանայիք նվագել: Ջիմի Փեյջի՞:
Ես շատ կցանկանայի նրա հետ նվագել: Կարծում եմ, մեծագույն կիթառահարներից մեկն է ողջ պատմության ընթացքում: Ես միշտ ուրախ եմ նվագել մեծերի հետ:
Ջեֆ Բե՞ք:
Միշտ երազել եմ այդ մասին: Կարծում եմ, երբեւէ դա տեղի կունենա:
Իսկ կցանկանայի՞ք նվագել Fender Rhodes-ի վրա, ինչեպես Ռեյ Մանզերեկը:
Օ, ես ունեմ 1974թ. Rhodes, ես այն գնել եմ 6 ամիս առաջ: Ինձ շատ է դուր գալիս: Շրջագայության չեմ վերցնի, բայց կթողնեմ ստուդիայում ձայնագրությունների համար: Ես Rhodes –ի վրա նվագում եմ իմ Oceana ալբոմում եւ մի քիչ էլ` Black Country Communion-ում:
Սպասում ենք Ձեր համերգին Երեւանում` Գլեն Հյուզի, Ջո Բոնամասի եւ Ջեյսոն Բոնեմի հետ:
Հուսով եմ մենք դա շուտ կանենք, քանի որ պայմանավորվել ենք:
Զրուցեց Արամ Գարեգինյանը