Բրիտանական Glamour հրատարակչության կայքում առնական գեղեցկության 40 հազար եկրպագուներ քվեարկել են իրենց նախընտրելի թեկնածուների օգտին: Քվեարկության արդյունքում 2012թ. ամենահամակրելի 100 տղամարդկանց շարքում նոր դեմքեր են հայտնվել: Արդեն չորրրդ տարին անընդմեջ առաջատարը «գլխավոր վամպիր» Ռոբերտ Փաթինսոնն է:
Բրիտանացին առաջ է անցել Ջոնի Դեպից, Էրիստիան Բեյլից, Ռայան Գոսլինգից եւ շատ այլ աստղերից:
Դատելով ամեն ինչից` աղջիկների համար «Մթնշաղի» գունատ վամպիրը նախկինի պես համեղ պատառ է, թեեւ երկրպագուհիները ստիպված էին հրաժարվել նրա հետ կապված երազանքներից: Ինչպես հայտնի է, դերասանը վերջերս կրկին միացել է իրեն դավաճանած Քրիսթին Ստյուարտի հետ
Վարկանիշի յոթերորդ տեղում է «Մթնշաղի» մեկ այլ հերոս` Թեյլոր Լոտները, ցուցակում կան նաեւ «Վրիժառուները» ֆիլմի աստղեր Թոմ Հիդլսթոնը (2-րդ տեղ), Ռոբերտ-Դաունի Կրտսերը (6-րդ տեղ) եւ Քրիս Հեմսվորթը (19-րդ տեղ): Լավ դիրքերում է նաեւ նոր Շերլոկ Հոլմս Բենեդիկտ Կամբերբետչը, որը եզրափակում է առաջատարների հնգյակը: Բրիտանական Glamour-ի վարկածով ամենասեքսուալ տղամարդկանց ցուցակի առաջին տասնյակը հետեւյալ տեսքն ունի.
1. Ռոբերտ Փաթինսոն
2. Թոմ Հիդլսթոն
3. Ջոնի Դեպ
4. Մայքլ Ֆասբենդեր
5. Բենեդիկտ Կամբերբետչ
6. Ռոբերտ-Դաունի Կրտսեր
7. Թեյլոր Լոտներ
8. Փոլ Ուեսլի (Փոլ Վասիլեւսկի)
9. Ջեյմս Մաքեւոյ
10. Հենրի Քեւել