Հոկտեմբերի 2-ին հայտնի են դարձել ռուսաստանցի գիտնականների համար նախատեսված «Scopus Award Russia» մրցանակի դափնեկիրները:
2012 թ. դափնեկիրներն են դարձել մաթեմատիկոս, Մեքենաշինական խնդիրների ինստիտուտի աշխատակից Սերգեյ Նազարովը եւ ՄՊՀ պրոռեկտոր, քիմիկոս Ալեքսեյ Խոխլովը: Ֆիզիկայի ոլորտում հետազոտության համար մրցանակը շնորհվել է Դուբնայի Միջուկային հետազոտությունների միավորված ինստիտուտի աշխատակիցներ Գուրգեն Ադամյանին եւ Նիկոլայ Անտոնենկոյին: Կյանքի մասին գիտության բնագավառում մցանակը կիսել են ՌԴ ԳԱ Կենսաֆիզիկայի ինստիտուտի աշխատակիցներ Նադեժդա Սուշչիկը, Միխայիլ Գլադիշեւը եւ Օլեսիա Մախուտովան:
Առաջին անգամ «Scopus Award» մրցանակը շնորհվել է Չինաստանում` 2004թ-ին: