Ուգո Չավեսը հոկտեմբերի 7-ին կայացած նախագահական ընտրությունների արդյունքում վերընտրվել է Վենեսուելայի նախագահ: Այդ մասին հայտնել է երկրի ԿԸՀ-ն: Չավեսը հավաքել է ձայների 54%-ը, իսկ նրա հակառակորդ Էնրիկե Կապրիլեսը` 45%:
Ընտրություններին մասնակցությունը կազմել է 80: Որոշ ընտրատեղամասերում ստիպված են եղել երկարացնել աշխատանքը` ընտրողների հոսքի պատճառով, հայտնում է Reuters-ը:
Կարակասում արդեն սկսվել են գործող նախագահի կողմնակիցների հանդիսությունները: Ինչպես հաղորդում է «Մայակ» ռադիոն, ընդդիմադիր Էնրիկե Կապրիլեսի շտաբում ողբում են նրա կուսակիցները: Սակայն, ըստ հասարակական կարծիքի հարցման արդյունքների, ընտրություններում առաջատար էր հենց Կապրիլեսը:
Ընդդիմության միասնական թեկնածու Էնրիկե Կապրիլեսն արդեն ընդունել է իր պարտությունը եւ շնորհավորել պետության գործող ղեկավար Ուգո Չավեսին երրորդ ժամկետում վերընտրվելու կապակցությամբ, հաղորդում է «ՌԻԱ Նովոստին»:
Հիշեցնենք, որ Վենեսուելայի նախագահի պաշտոնի համար հիմնական պայքարն ընթացել է պետության ղեկավար Ուգո Չավեսի եւ ընդդիմության ներկայացուցիչ Էնրիկե Կապրիլեսի միջեւ: