Թուրքիայի սահմանապահ ուժերը Էդիրնեում ձերբակալել են անօրինական ճանապարհով Եվրոպա անցնել ցանկացող 151 հոգու։

Թուրքական Haberciniz կայքի փոխանցմամբ՝  թուրքական ժանդարմերիայի հրամանատարության ուժերը Էդիրնեում՝ սահմանամերձ Բոսնաքյոյ, Սարայաքփնար եւ Յենիքադըն գյուղերում կատարած գործողությունների ժամանակ ձերբակալել են 151 հոգու, ովքեր ցանկացել են անօրինական ճանապարհով անցնել Եվրոպա։

Ձերբակալվածների մեջ են Վրաստանի, Հայաստանի, Սիրիայի, Իրանի, Պակիստանի եւ այլ երկրների քաղաքացիներ։

Ձերբակալվածներին տարել են Էդիրնեի օտարերկրացիների համար նախատեսված վարչություն, որտեղից նրանց կարտաքսեն Թուրքիայից։