Նշանավոր ռուս դերասան Լեոնիդ Բրոնեւոյը, ով սրտի կաթված էր տարել Կիեւում, Մոսկվա է տեղափոխվել:
Հոկտեմբերի 13-ի վաղ առավոտյան Բրոնեւոյը բժիշկների ուղեկցությամբ գնացքով Կիեւից Մոսկվա է տեղափոխվել: Ավելի վաղ ուկրաինացի բժիշկները թույլ են տվել դերասանին վերադառնալ ռուսական մայրաքաղաք, որտեղ նա կշարունակի բուժումը: Բրոնեւոյին կտեղավորեն Չազովի անվան սրտաբանական կենտրոնում: Ներկայումս դերասանի վիճակը կայուն է, հաղորդում է «Կոմսոմոլսկայա պրավդան»:
Կիեւից մեկնելուց առաջ դերասանը շնորհակալություն է հայտնել ուկրաինացի բժիշկներին երկրորդ կյանք նվիրելու համար, հաղորդում է «Վեստի.ru»-ն:
Ռուս դերասանը խոստանում է մեկ ամսից բեմ վերադառնալ:
Ավելի վաղ NEWS.am-ը հաղորդել էր, որ սեպտեմբերի 18-ին Կիեւում «Լենկոմ» թատրոնի հետ շրջագայության ավարտի հենց հաջորդ օրը ռուս դերասան Լեոնիդ Բրոնեւոյի ինքնազագոցողությունը վատացել էր: Նա կաթվածով հոսպիտալացվել է Կիեւի քաղաքային բժշկական կենտրոն: Հիվանդանոցի գլխավոր բժիշկը հայտնել է, որ 83-ամյա արտիստի մոտ սրտամկանի սուր ինֆարկտ է ախտորոշվել: Դերասանին բարդ վիրահատություն են արել:
