ԿՀՎ-ի հրաժարական տված նախկին ղեկավար Դեւիդ Պետրեուսը սիրուհու հետ նամակագրության ընթացքում «Ալ Կաիդայի» գրոհայինների հնարքն է կիրառել:
Telegraph-ը պարզել է, որ Պետրեուսի եւ Պոլա Բրոդաուելի համար Gmail-ում հասանելի փոստարկղ կար: Տեղեկության փոխանցման համար նրանք նամակներ են գրել եւ առանց ուղարկելու պահպանել սեւագրությունների թղթապանակում:
Այս տեխնոլոգիան «հետքեր» չթողնելու համար արդեն մոտ մեկ տարի է կիրառում են «Ալ Կաիդայի» գրոհայինները, գրում է «ՌԻԱ Նովոստին»:
Պետրեուսի եւ նրա սիրուհու հարաբերությունները ՀԴԲ-ի հետաքննության առարկա էին դարձել Թամփա քաղաքում բնակվող 37-ամյա Ջիլ Քելիի բողոքից հետո, որը Բրոդաուելից սպառնալիքներով նամակներ էր ստացել: Այսօր գործում ի հայտ է եկել եւս մեկ գործող անձ՝ Աֆղանստանում ՆԱՏՕ-ի ուժերի հրամանատար Ջոն Ալենը, որը կապ է ունեցել Ջիլ Քելիի հետ: