Այսօր, նոյեմբերի 16-ին տեղական ժամանակով 03.58-ին Հայաստանի Սեյսմիկ պաշտպանության ծառայության սեյսմոլոգիական ցանցը գրանցել է 5.7 մագնիտուդով երկրաշարժ, որի էպիկենտրոնը գտնվում է Իրանի տարածքում` Ահար քաղաքից 44 կմ դեպի հյուսիս-արեւմուտք, հայտնում է ՀՀ ԱԻՆ լրատվական ծառայությունը։
Երկրաշարժի հիպոկենտրոնը եղել է 15 կմ խորության վրա: Ուժգնությունը էպիկենտրոնային գոտում կազմել է 6 բալ:
Էպիկենտրոնի աշխարհագրական կոորդինատներն են` հյուսիսային լայնություն 38.58˚ եւ արեւմտյան երկայնություն 46.82˚:
Ըստ նախնական տեղեկատվության երկրաշարժը զգացվել է Հայաստանի մի շարք բնակավայրերում, մասնավորապես` Քաջարանում եւ Կապանում 2-3 բալ: