Ռեստավրացված «Գողգոթա» փայտե խորանը ողջ հմայքով վերադարձվել է Լվովի հայկական եկեղեցու բակ:
Մի քանի տարի Ուկրաինայի եւ Լեհաստանի մասնագետներն աշխատել են հայ ժողովրդի պատմական արժեքի վրա: Բացի խաչված Քրիստոսի պատկերից` խորանը լրացրել են նաեւ Աստվածամոր եւ Մարիամ Մագթաղինացու վերականգնված պատկերները: Ռեստավրացվել է նաեւ այն տունը, որի վրա այն հաստատված է:
Խորանը մի քանի անգամ այրվել էր եւ մուգ շագանակագույն էր: Այժմ՝ ռեստավրացումից հետո, «Գողգոթան» դարձել է ավելի գունեղ, հայտնում է Analitika.at.ua-ն:
Լվովի հայկական եկեղեցին ազգային նշանակության ճարտարապետության հուշարձան է` կառուցված 1363-1370 թթ.:
