Ադրբեջանում ուսուցիչը երեխաների աչքի առաջ կացնով հարվածել է իր հարեւանին: Միջադեպը տեղի է ունեցել Լենքորանի շրջանի Դիրյան գյուղում: Հարեւանների մեջ վեճը ծագել է ցանկապատի պատճառով:
Ինչպես հաղորդում է Vesti.Az-ը, տուժել է 41-ամյա անտառապահ Քյազիմով Զաման Միրզախան օղլուն: Նրա հարեւանը` 24-ամյա ուսուցիչ Ֆարզուլաեւ Էմին Ազիզագա օղլուն վիճաբանության ժամանակ կացնով երկու անգամ հարվածել է նրա գլխին: Այդ ամենը տեղի է ունեցել Քյազիմովի մանկահասակ երեխաների աչքի առաջ:
Արյունաքամ լինող Քյազիմովին հարզատները հասցրել են հիվանդանոց, սակայն վնասվածքների ծանր լինելու պատճառով այդտեղից նրան տեղափոխել են բաքվի հիվանդանոցներից մեկը:
Տուժածի վիճակը ծանր է, Քյազիմովը կոմայի մեջ է: Էմին Ֆարզուլաեւը ձերբակալվել է:
