Ձնահոսքը ծածկել է վրաց-ռուսական սահմանի վրացական ոստիկանության անցակետը: Վրաստանի ՆԳՆ-ն հայտնում է, որ «Վերին Լարս» անցակետի ոստիկաններից ոչ ոք չի տուժել, քանի որ ժամանակին տարհանվել են:
«Գռուզիա օնլայնը» հաղորդում է, որ ձնահոսքն իջել է Տրուսո կիրճ, որտեղ գտնվում է անցակետը: Ոստիկաններն առայժմ չեն կարողանում մոտենալ ավերված անցակետին՝ ձնահոսքի կրկնության սպառնալիքի պատճառով:
Նշենք, որ «Վերին Լարս» անցակետն արդեն մի քանի օր է՝ փակ է ավտոտրանսպորտի երթեւեկության համար: