Լենինգրադի մարզում սպանվել է Վսեվոլժսկի շրջանի գլխավոր ճարտարապետ Էդուարդ Հակոբյանը: Հարձակումը տեղի է ունեցել ուշ երեկոյան:
Հակոբյանի կնոջ գրասենյակի մուտքի մոտ նրա վրա մի քանի անգամ կրակել են: Ճարտարապետը վախճանվել է հիվանդանոցի ճանապարհին` գլխի մահացու վնասվածքից: Ըստ ականատեսների` հանցագործները մի քանիսն են եղել: Զենքերը նետելով` նրանք փախել են հանցագործության վայրից, հայտնում է «Առաջին ալիքը»:
Ըստ 47news.ru-ի` մեկ կրակոց է եղել` ծոծրակին: Ոստիկանները հայտնել են, որ դիպուկահարը սառնասրտորեն մոտեցել է, մեկ անգամ կրակել եւ հանգիստ հեռացել:
Քննությունը չի բացառում, որ սպանությունը պատվիրված էր` կապված պաշտոնյայի մասնագիտական գործունեության հետ: Էդուրադ Հակոբյանը Սանկտ Պետերբուրգին սահմանակից Վսեվոլոժսկի շրջանի քաղաքաշինության հարցերի պատասխանատուն էր:
Էդուարդ Հակոբյանը Վսեվոլոժսկի շրջանի ճարտարապետի պաշտոնը զբաղեցնում էր 1987թ.-ից: Հակոբյան ազգանունն ավելի հայտնի է եղել, քան շրջանի ղեկավարներինը: Ամեն ինչ նրա միջոցով է կատարվել:
Նախանցյալ տարի Վսեվոլոժսկի շրջանի աշխատակազմի ղեկավար Ալեքսանդր Սոբոլենկոն Հակոբյանի ծննդյան օրվա առթիվ շամպայնի մի փոքր շատրվան էր պատրաստել: