Իրանում ինտերնետից օգտվողները դժվարությունների են հանդիպում Gmail (Google Mail) փոստային ծառայության հետ աշխատելիս: Այդ մասին, ինչպես հաղորդում է AFP գործակալությունը, հայտարարել են Google-ի ներկայացուցիչները:
Ամերիկյան Wall Street Journal թերթը հայտնել է, որ Իրանի իշխանությունները մտադիր են երկրում դադարեցնել Gmail փոստային ծառայության օգտագործումը:
Google-ի պաշտոնական արձագանքը դեռ հայտնի չէ:
Ինչպես հիշեցնում է ՌԻԱ-Նովոստին, Google-ն արդեն խնդիրներ է ունեցել ՉԺՀ իշխանությունների հետ, երբ հունվարին ընկերությունը հայտարարեց կայքի վրա հաքերային հարձակումների պատճառով Չինաստանում իր աշխատանքը դադարեցնելու մտադրության մասին: