Վրաստանում Հայաստանի քաղաքացու են ձերբակալել՝ «Սադախլո»-ի անցակետով մաքսանենգ ճանապարհով թանկարժեք քարեր երկրի տարածք ներմուծելու փորձի կասկածանքով: Այս մասին, այսօր՝ մարտի 15-ին, հաղորդել է Վրաստանի ֆինանսների նախարարության եկամուտների ծառայությունը:
Եկամուտների ծառայության տվյալներով՝ թանկարժեք քարերն ուղարկվել են փորձաքննության՝ դրանց արժեքը որոշելու համար: Գործի քննությունը շարունակվում է:
Չի հաղորդվում, թե կոնկրետ ենբ է ձերբակալվել Հայաստանի քաղաքացին, գրում է «Նովոստի Գռուզիան»:
