ԱՄՆ նախագահ Բարաք Օբաման մարտի 22-ին այցելել է Բեթղեհեմում Քրիստոսի ծննդյան տաճար: Օբամային ուղեկցել են Պաղեստինի նախագահ Մահմուդ Աբբասը, պետքարտուղար Ջոն Քերրին եւ այլ պաշտոնատար անձինք:

Տաճարում ԱՄՆ նախագահին դիմավորել են Երուսաղեմի պատրիարք Թեոֆիլ 3-րդը, հայր Պիերբատիստա Պիցցաբալլան եւ արքեպիսկոպոս Սեւան Ղարիբյանը, հաղորդում է NBC News-ը: Բեթղեհեմ այցից հետո ԱՄՆ նախագահը կուղեւորվի Հորդանան, որտեղ կհանդիպի թագավոր Աբդալլահ 2-րդի հետ: