Հայոց ցեղասպանության 98-րդ տարելիցից մել շաբաթ առաջ Ֆրանսիան խոշորամասշտաբ պայմանագիր է կնքել թուրքական «Turkish Airlines» ավիաընկերության հետ: Ապրիլի 17-ին Ստամբուլում «Turkish Airlines» -ը պայմանագիր է կնքել եվրոպական «Airbus» ավիաարտադրող ընկերության հետ` 82 «A320» եւ 35 լրացուցիչ այլ օդանավեր ձեռք բերելու համար, ինչի շնորհիվ եվրոպական ավիակոնստրուկտորը կավելացնի իր ներդրումները Թուրքիայում, հաղորդում է «Nouvelles d`Arménie»-ին:
Հայ համայնքնը դեռ համարձակվում է հուսալ, որ այդ խոշոր գործարքը չի ազդի Ֆրանսիայի նախագահ Ֆրանսուա Օլանդի` Հայոց ցեղասպանության ժխտումը քրեականացնող օրինագիծը ներկայացնելու խոստման վրա:
Հիշեցնենք, որ վերջերս ֆրանսիական մամուլը գրել էր Թուրքիայի կողմից Ֆրանսիայյի վրա գործադրվող ճնշումների մասին, որոնք ուղղված են օրինագծի ընդունումը թույլ չտալուն: Իսկ ֆրանսիական արդյունաբերական ոլորտում կարծում են, որ նման օրինագծի ընդունման դեպքում Ֆրանսիան մի քանի միլիարդ եվրոյի պայմանագրեր կկորցնի Թուրքիայում: