Ցարնաեւներին ձերբակալած ՀԴԲ-ի գործակալները զոհվել են առեղծվածային հանգամանքներում. նրանք ծովային զորավարժությունների ժամանակ ընկել են ուղղաթիռից:
Մայիսի 17-ին զորավարժությունների ընթացքում զոհվել են ՀԴԲ-ի երկու գործակալներ, հայտնել է ՀԴԲ-ի մամուլի ծառայությունը: Գերատեսչության հայտարարության մեջ ասվում է, որ հատուկ գործակալներ Քրիսթոֆեր Լորեկը եւ Սթիվեն Շոուն ընկել են ուղղաթիռից՝ բարդ վարժության կատարման ժամանակ, գրում է Life News-ը:
Ամերիկյան լրատվամիջոցները հայտնում են, որ գործակալներն օվկիանոս են ընկել 75 ոտնաչափ բարձրությունից (23 մ): Դրանից հետո ուղղաթիռը բարեհաջող վայրէջք է կատարել: Չի բացառվում, որ ողբերգության պատճառը եղանակային վատ պայմանները լինեին, գրում է USA Today-ը: Սակայն փորձագետները նաեւ չեն բացառում տեխնիկական անսարքության վարկածը, հաղորդում է vesti.ru-ն:
Նահանգի դատաբժշկական փորձաքննության բյուրոյի ներկայացուցիչ Գլեն Մաքբրայդը հայտնել է, որ գործակալների մահվան պատճառների քննությունը կարող է տեւել ամիսներ:
Գործակալներ Լորեկը եւ Շոուն ՀԴԲ հակաահաբեկչական վերնախավային ստորաբաժանման անդամներ էին, հենց նրանք էին վերացրել Թամերլան Ցարնաեւին: