Հայաստանի նախագահ Սերժ Սարգսյանը շնորհավորական ուղերձ է հղել Վրաստանի նախագահ Միխայիլ Սահակաշվիլիին և վարչապետ Բիձինա Իվանիշվիլիին` երկրի ազգային տոնի՝ Պետական անկախության վերականգնման օրվա կապակցությամբ:
Այս մասին NEWS.am-ը տեղեկանում է նախագահի մամուլի գրասենյակից:
Նշենք, որ մայիսի 26-ին Վրաստանը նշում է իր անկախության օրը: 1918 թվականի հենց այդ օրը Վրաստանի հանրապետությունը հռչակել է իր անկախությունը: Դրանից երկու օր անց Թիֆլիսում Հայ ազգային խորհուրդը հռչակել է Հայաստանի անկախությունն ու Հայաստանի Առաջին Հանրապետության ստեղծումը: