Ես չեմ պատրաստվում եզրակացություններ անել Երեւանում տեղի ունեցած ընտրությունների վերաբերյալ դիտորդների հետեւությունների մասին: Այս մասին, այսօր՝ մայիսի 31-ին, Երեւանում լրագրողների հետ զրույցում նշել է ԵԽԽՎ նախագահ Ժան-Կլոդ Մինյոնը: Հիշեցնենք, որ Երեւանում տեղի է ունեցել է ԵԽԽՎ բյուրոյի եւ մշտական հանձնաժողովի նիստը:
Մեկնաբանելով ընտրությունների կեղծված լինելու մասին ընդդիմության պնդումները, ԵԽԽՎ ղեկավարը նշել է, որ միջազգային դիտորդները չեն կիսում այդ կարծիքը:
Նա նշել է, որ ըստ դիտորդների, ընտրությունները Հայաստանում լավ են անցել: «Խորհրդարանում կա մեծամասնություն եւ ընդդիմություն, ինչպես այլ երկրների խորհրդարաններում: Դա այն է, որն անվանում են ժողովրդավարություն»,-հավելել է Մինյոնը:
ԵԽԽՎ նախագահը հիշեցրել է, որ մի քանի տարի առաջ Հայաստանը ԽՍՀՄ կազմում էր եւ չէր կարելի սպասել, որ Հայաստանը շատ արագ ամբողջապես կհամապատասխանի ԵՄ չափանիշներին: «Պետք է Հայաստանի կառավարությանը ժամանակ տալ, որը նրան պետք է բարեփոխումներ իրականացնելու համար»,-ընդգծել է նա:
Լուսանկարն՝ Արսեն Սարգսյանի/NEWS.am