Վրաստանի կառավարությունը պետք է ձգտի ապագայում թույլ չտալ ռազմական հակամարտություններ, հայտարարել է խորհրդարանի խոսնակ Դավիթ Ուսուպաշվիլին՝ 2008թ ռուս-վրացական պատերազմի զոհերի հիշատակի արարողության ժամանակ։ «Մենք ինքներս չպետք է նախաձեռնողներ լինենք եւ սադրանքների ենթարկվենք»,-ասել է նա։
Միեւնույն ժամանակ վերաինտեգրման հարցերով պետնախարար Պաատա Զաքարեիշվիլին ընդգծել է, որ Վրաստանի կառավարությունը երաշխավորում է Աբխազիայի եւ Ցխինվալի շրջանի ժողովրդի անվտանգությունը, անձեռնմխելիությունն ու զարգացման հեռանկարները, եթե նրանք համաձայնեն ապրել վրացիների հետ, փոխանցում է «Նովոստի-Գրուզիան»։
Հայտարարությունում ասվում է, որ Վրաստանի նոր կառավարությունն ընտրել է խաղաղ, կառուցողական եւ պրագմատիկ կուրս՝ լուծելու կոնֆլիկտային հարցերը՝ դրական արդյունքների հույս ունենալով։