ԼՂՀ պաշտպանության նախարարությունում կտրականապես հերքել են ադրբեջանական լրատվամիջոցների այն տեղեկությունները, որ ականի վրա հայ զինծառայող է պայթել:
«Դա ադրբեջանական քարոզչամեքենայի հերթական ապատեղեկատվությունն է: Հաղորդագրություններն իրականությանը չեն համապատասխանում»,- NEWS.am-ի թղթակցին է հայտնել ԼՂՀ ՊՆ մամուլի քարտուղար Սենոր Հասրաթյանը:
Ադրբեջանական լրատվամիջոցների հաղորդմամբ, իբրեւ թե, օգոստոսի 7-ի գիշերը Ադրբեջանի եւ ԼՂ ԶՈւ-ի շփման գծում պայթել է զինվոր Արմենակ Հակոբյանը: Ադրբեջանկան կողմի վարկածով դա Ադրբեջան անցած երկու զինվորներից մեկն է: Ինջիղուլյանը պատանդ է վերցվել, իսկ Հակոբյանը պայթել է ականի վրա:
Հակասական ու ոչ ճշմարիտ տեղեկությունների տարածումը կապված է նրա հետ, որ ադրբեջանական կողմը չի ցանկանում, որպեսզի ԽԿՄԿ-ի Բաքվի ներկայացուցիչները հանդիպեն պատանդ վերցված Ինջիղուլյանին: