Թուրքիայի արեւելյան հատվածում գտնվող Վան նահանգում սեպտեմբերի 26–ի առավոտյան հերթական երկրաշարժն է գանցվել:
Թուրքական Milliyet–ի փոխանցմամբ՝ Ստամբուլի Բողազիչի համալսարանի երկրաշարժների ուսումնասիրության ինստիտուտից հայտարարություն են տարածել, որ սեպտեմբերի 26-ին, 05:55-ին, Վանի Արճեշ քաղաքի մոտակայքում՝ Աքչիֆթ գյուղի մոտակայքում 4 մագնիտուդով երկրաշարժ է գրանցվել: Երկրաշարժի էպիկենտրոնը եղել է 5 կմ խորության տակ:
Նշենք, որ Վանի նահանգում 2011-ի հոկտեմբերի 23-ին տեղի էր ունեցել 7,2 մագնիտուդով երկրաշարժ, որի հետեւանքով մահացել էր ավելի քան 600 մարդ: Նոյեմբերի 9-ին երկրորդ երկրաշարժն էր տեղի ունեցել` 5,7 մագնիտուդով, որն ավելացրել է զոհերի եւ ավերածությունների թիվը:
