Հայաստանի նախագահ Սերժ Սարգսյանը հոկտեմբերի 15-ին ներկա է եղել Երեւանում «Իզմիրլյան» բժշկական կենտրոնի բացմանը:Նա շրջել է վերանորոգված շինությունում, ծանոթացել է հիվանդների սպասարկման պայմաններին, զրուցել է անձնակազմի հետ:
Ինչպես լրագրողների հետ զրույցում ընդգծել է կենտրոնի տնօրեն Արմեն Մուրադյանը, հիվանդանոցը զինված է նորագույ բժշկական սարքավորումներով եւ կարող է ընդունել միաժամանակ մեծ քանակությամբ հիվանդների, բուժումն իրականացնել ամենաբարձր եւ ժամանակակից մակարդակում: Կենտրոնը բացվել է Տիգրան եւ Հելենա Իզմիրլյանի աջակցությամբ:
2001-ին կենտրոնը սեփականացվել է եւ հանձնվել Առաջնորդանիստ Էջմիածնին՝ բարեգործական ծրագրեր իրականացնելու: Դրանից հետո կենտրոնում իրականացվել են 12 մլն դոլարի բարեկարգման աշխատանքներ:
Ներկայումս կենտրոնն ունի ինը հիմնական բաժանմունքներ եւ նախատեսված է 139 հիվանդների ընդունելու: Ներկայում կենտրոնում աշխատում է մոտ երկու հարյուր շխատակից:
