ՆԱՏՕ-ն ՀԱՊԿ-ի հետ չի համագործակցի, հոկտեմբերի 22-ին Բրյուսելում հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը:
Ըստ նրա՝ Հյուսիսատլանտյան դաշինքի համար կարեւոր է այդ կազմակերպության անդամ առանձին երկրների հետ համագործակցությունը:
«Մեզ միանգամայն ձեռնտու են փոխհարաբերությունները երկկողմ համատեքստում՝ ՆԱՏՕ եւ ՀԱՊԿ անդամներ: Մենք չենք կարծում, թե պետք է համագործակցության ինչ-որ նոր կառույցներ ստեղծել», - ասել է Ռասմուսենը ՆԱՏՕ-ի պաշտպանության նախարարների խորհրդի եւ Ռուսաստան-ՆԱՏՕ խորհրդի նիստերի նախօրեին, փոխանցում է «ՌԻԱ Նովոստին»: