Մոսկվան ակնկալում է Վրաստանի նոր իշխանությունների բարեկամական քաղաքականությունը Ռուսաստանի նկատմամբ, այսօր լրագրողներին է հայտարարել Ռուսաստանի ԱԳ նախարար Սերգեյ Լավրովը:
Լավրովը վրացիներին շնորհավորել է ընտրությունների կապակցությամբ: «Դատելով ստացվող տեղեկություններից՝ ընտրություններն անցել ան արդար, ազնիվ, ոչ ոք արդյունքները չի վիճարկում»,-ասել է նախարարը, փոխանցում է «ՌԻԱ Նովոստին»:
Հիշեցնենք, որ Վրաստանում նախագահական ընտրությունները կայացել են հոկտեմբերի 27-ին: Ըստ ստացված տեղեկությունների՝ «Վրացական երազանքի» թեկնածու Գեորգի Մարգվելաշվիլին ստացել է ընտրողների ձայների 62,1 տոկոսը:
