Ռուսաստանի Կիրովի շրջանի Սլաբոդյան-Բելայա Խոլունիցա ավտոճանապարհին, նոյեմբերի 4-ին, տեղի է ունեցել ավտովթար:
Հայաստանի ԱԻՆ փրկարար ծառայությունից հայտնում են, որ «ՈՒԱԶ» եւ «ՎԱԶ-2114» մակնիշների ավտոմեքենաները բախվել են, ինչի հետեւանքով հրդեհ է բռնկվել:
«ՎԱԶ-2114» մակնիշի ավտոմեքենայից փրկարարները դուրս են բերել 5 այրված դի, «ՈՒԱԶ»-ից` 2 տուժածների, ովքեր ստացել են տարբեր վնասվածքներ:
Մահացածներից 2-ը հայեր են (23-ամյա Քրիստինե Դավթյան, 48-ամյա Ելենա Դավթյան), որոնք ունեն Ռուսաստանի Դաշնության քաղաքացիություն, գրանցված են Օմուտնինսկ քաղաքում:
Ըստ նախնական տվյալների՝ ավտովթարի մեղավորը «ՈՒԱԶ»-ի վարորդն է, ով դուրս էր եկել հանդիպակաց ուղի:
Դեպքի վայրում աշխատում են ճանապարհային ոստիկանությունը եւ ԱԻՆ աշխատակիցները:
Դեպքի մանրամասները ճշտվում են:
