Google-ի նոյեմբերի 8-ի տոնական դուդլում Ռորշախի հայտնի բծերն են հոգեդիագնոստիկայի հիմնադիր Հերման Ռորշախի անձի ոաումնասիրության թեստը:
Ռորշախը ծնվել է 1884թ. նոյեմբերի 8-ին Ցյուրիխում՝ գեղանկարչի ընտանիքում:
Ռորշախը բժշկություն սովորել է Ցյուրիխում, հաճախել է Յունգի, Բլեյերի եւ հայտնի այլ հոգեբանների դասախոսություններին:
Նա մի անգամ իր դպրոցական ընկեր Կոնրադ Գերինգին պատմել է, որ հաճախորդներին թանաքի բծերի միջոցով թեստի ենթարկելու մեթոդ է մշակել: Գերինգն առաջարկել է նման փորձարկումներ կատարել իր աշակերտների հետ:
Այսպես ծնվել է անձի ոաումնասիրության հանրահայտ թեստը, որը ստացել է «Ռորշախի բծեր» անվանումը:
Թեստը կազմված է թանաքի գունավոր եւ սեւ տասը բծերից, որոնք համաչափորեն տպված են սպիտակ թղթի վրա։ Հետազոտվող մարդը պետք է նայի այդ բծերից յուրաքանչյուրին եւ ասի, թե այնտեղ ինչ է տեսնում կամ ինչ է հիշեցնում իրեն թանաքի այդ բիծը։ Ըստ հետազոտվողի նշած պատկերների էլ հոգեբանը վերլուծում է ստացված ողջ նյութը եւ եզրակացություններ է անում փորձարկվողի անձի մասին
Հերման Ռորշախը հայտնաբերել էր, որ այն փորձարկվողները, որոնք ուղիղ, համաչափ պատկեր են տեսնում անձեւ թանաքաբծերում, սովորաբար լավ են հասկանում իրավիճակը, ընդունակ են ինքնաքննադատության եւ ինքնավերահսկողության:
Բացի այդ, հոգեբանը հայտնաբերել էր, որ զգայական տարբեր վիճակներում մարդիկ տարբեր կերպ են արձագանքում գույներին եւ երանգներին:
Ռորշախը մահացել է 37 տարեկան հասակում՝ ապենդէկտոմիայի վիրահատությունից հետո:
