Քրեակատարողական վարչության բուժծառայությունը նախագահի նախկին թեկնածու Վարդան Սեդրակյանի մոտ լյարդի խնդիրներ է ախտորոշել: Այս մասին այսօր` նոյեմբերի 20-ին հրավիրված ասուլիսին ասաց Հայաստանի փաստաբանների պալատի անդամ, Վարդան Սեդրակյանի փաստաբան Ալեքսանդր Սիրունյանը:
«Մենք չէինք էլ սպասում, բայց քրեակատարողական վարչության բուժծառայությունն ախտորոշեց: Մենք մտածում էինք, թե մեր տարած թղթերին կասեն ձեւականություն է, բայց հետազոտեցին եւ հաստատեցին, որ լյարդի խնդիր ունի»,- նշեց Ալեքսանդր Սիրունյանը: Նա նաեւ ասաց, որ շնորհակալ են, քանի որ իրենց հաճախ են թույլատրում հանձնուքներ փոխանցելը, քանի որ նա դիետիկ է սնվում:
Փաստաբանը ասաց, որ բժիշկները հաճախ են այցելում նրան եւ Վարդան Սեդրակյանին «Դատապարտյալների հիվանդանոց» տեղափոխելու անհրաժեշտություն չկա:
Լուսանկարը՝ Արսեն Սարգսյանի/NEWS.am