Լեգենդար հեռուստամեկնաբան, ամերիկյան CNN հեռուստաընկերության նախկին հաղորդավար Լարի Քինգը ներկա է գտնվել «Հայաստան» համահայկական հիմնադրամի «Հեռուստամարաթոն-2013»-ին:
Հիշեցնենք, որ հեռուստամարաթոնն անցկացվել է Լոս Անջելեսում:
«Արմենպրեսը» հայտնում է, որ հեռուստահաղորդավարը զրուցել է ԼՂՀ նախագահ Բակո Սահակյանի հետ, որը նրան հրավիրել է Արցախ:
Հրավերն ընդունվել է: Մարաթոնի ընթացքում այս մասին ուղիղ եթերում հայտարարել է արքեպիսկոպոս Հովնան Տերտերյանը:
«Ամենայն հավանականությամբ Լարի Քինգը Արցախ կայցելի արդեն մոտ ժամանակներս»,- ասել է արքեպիսկոպոսը:
Հեռուստաաստղ Լարի Քինգը նվիրատվություն է արել Հայաստան Հիմնադրամի մարաթոնին: