ՌԴ նախագահ Վլադիմիր Պուտինը վայրէջք է կատարել «Շիրակ» միջազգային օդանավակայանում: Ռուսաստանի նախագահի երկօրյա պետական այցը սկսել է Հայաստանի՝ մեծությամբ երկրորդ քաղաքից՝ Գյումրիից (ֆոտոռեպորտաժ):
Այցի շրջանակներում Վլադիմիր Պուտինն ու Հայաստանի նախագահ Սերժ Սարգսյանը կայցելեն 102-րդ ռուսական ռազմաբազան: Ռուսաստանի նախագահը կմասնակցի նաեւ հայ-ռուսական միջտարածաշրջանային երրորդ համագումարի աշխատանքներին:
Երեւանում կկայանան հայ-ռուսական բանակցություններ՝ բարձր մակարդակում: Օրակարգում են երկկողմ համագործակցությանը վերաբերող առանցքային հարցեր, այդ թվում՝ առեւտրատնտեսական ու մշակութային-հումանիտար: Ենթադրվում է կարծիքների փոխանակում, որոնք կապված են սեպտեմբերի 3-ին Սերժ Սարգսյանի այցելության արդյունքում ձեռք բերված պայմանավորվածությունների իրականացման ընթացքի, ինչպես նաեւ ՄՄ-ին Հայաստանի միանալու վերաբերյալ հետագա հարցերի հետ:
Բանակցությունների արդյունքում կստորագրվեն մի շարք համատեղ փաստաթղթեր:
