Դավութօղլույի այցը իրենց կողմից նախապատասրտված շոու էր: Այս մասին այսօր՝ դեկտեմբերի 14-ին հրավիրված ասուլիսին ասաց ԱԺ հանրապետական պատգամավոր Մկրտիչ Մինասյանը:
Նրա խոսքով, Դավութօղլուն ցանկանում էր ներկայացնել, թե ցանկանում է հավասարություն դնել երկու ազգերի վերաբերմունքի մեջ: «Դա ուղղակի խայծ էր, այն էլ մանկամիտ: Անգամ եփած հավի ծիծաղը կգար նրա այն արտահայտությունից, որ հայերի դավաճանությանը իրենք պատասխանել են դեպորտացիայով: Կարծում եմ՝ քաղաքակիրթ մարդկությունը ռեալ գիտի, թե ինչ է տեղի ունցել: Պատմությունը խեղաթյուրել այդ աստիճան, ուղղակի անհնար է»,- ասաց Մկրտիչ Մինասյանը:
Նրա խոսքով, Թուրքիայի իշխանությունները մեկընդմիշտ խնդիր ունեն հասկանալու՝ իրենք իրենց մեջ ուժ կարող են գտնել առանց շոուներ եւ տրյուկներ օգտագործելով ընդունել պատմական ճշմարտությունը: «Եթե Թուրքիան ցանկանում է իսկապես դառնալ քաղաքակիրթ երկիր, պետք է ճշմարտությանը նայի առանց կեղծ եւ շեղող ակնոցների»,- ավելացրեց Մկրտիչ Մինասյանը:
Լուսանկարը՝ Արսեն Սարգսյանի/NEWS.am