«Հայկական Վերածնունդ – Փարիզ» կազմակերպությունը դատապարտում է Մարդու իրավունքների եվրոպական դատարանի դեկտեմբերի 17-ի որոշումը, որի համաձայն Հայոց ցեղասպանության ժխտումը չի հանդիսանում հանցագործություն:
Կազմակերպության հայտարարությունում, մասնավորապես, ասվում է.
«Ըստ 2013 թվականի դեկտեմբերի 17-ի Ստրասբուրգում կայացրած վճռի, Մարդու իրավունքների եվրոպական դատարանն որոշում է ընդունել, համաձայն որի Հայոց ցեղասպանության ժխտումը չի հանդիսանում հանցագործություն:
Համաձայն այս վճռի, 2007 թվականին շվեյցարական արդարադատության կողմից ընդունված որոշումը՝ դատապարտվելով Թուրքիայի աշխատավորական կուսակցության նախագահ Դողու Փերինչեքի ժխտողական մոտեցումներով, խախտում է խոսքի ազատությունը:
Հայկական Վերածնունդ - Փարիզը դատապարտում է այդ որոշումը խստագույնս:
Այս որոշմամբ Մարդու իրավունքների եվրոպական դատարանը խեղաթյուրում է «խոսքի ազատության» խորը իմաստը, զենք տալով նրանց, ովքեր դեմ են մարդկային արժանապատվության իրավունքի սկզբունքին:
Այս որոշմամբ Մարդու իրավունքների եվրոպական դատարանն հակված է որակազրկել իր իսկ ստանձնած առաքելությունները:
Այս որոշմամբ Մարդու իրավունքների եվրոպական դատարանը հերքում է Հայ ժողովրդի գոյության իրավունքը եւ թուրք ժողովրդին իր սեփական պատմության նկատմամբ ճշմարտությունը բացահայտելու իրավունք չի տալիս: Այսօր այս որոշումն ուղղված է հայերի դեմ, իսկ վա՞ղը՝ ա՞յլ ժողովուրդների:
Այս որոշումը հղի է անտեղյակությամբ, այն ընդունվել է անհոգությամբ, ինչ-ինչ շահեր հաշվի առնելով՝ ցանկանալով անտեսել այն, ինչ տեղի է ունեցել հայ ժողովրդի հետ, ցանկանալով անտեսել այն, որ թուրքական պետությունը կրողն է պետական մերժողական գաղափարախոսության եւ այն, որ Դողու Փերինչեքը նախանձախնդիր ծառան է այդ գաղափարախոսության, որն կնքում եւ սահմանում է հանցագործությունների հանցագործությունը:
Հայկական Վերածնունդ – Փարիզը դատապարտում է այս որոշումը, որի հետեւանքները կարող են լինել չափազանց լուրջ եւ հորդորում լավատեղյակ ազատամիտ անձանց արձագանքել:
Հայկական Վերածնունդ – Փարիզն առանձնակի հրավիրում է ողջ հայությանը Հայաստանում եւ նրա սահմաններից դուրս արձագանքել (դիմումներ, նամակներ եւ այլն ) անձամբ եւ այլ հնարավոր ատյաններով»: