Բեյրութի կենտրոնում տեղի ունեցած պայթյունի արդյունքում հայ է զոհվել՝ 75-ամյա Գեւորգ Թախտաջյանը: Այս մասին NEWS.am-ին հաղորդել է Լիբանանում հայկական «Ազդակ» պարբերականի գլխավոր խմբագիր Շահան Քանդահարյանը:
Պայթյունի արդյունքում վիրավորվել է եւս մեկ հայ: Տուժածի անունը ճշտվում է: Ինչպես ավելի վաղ էր հաղորդվել, Բեյրութի կենտրոնում տեղի ունեցած պայթյունի զոհերի թիվը հասնում է 70-ի:
Լիբանանի մայրաքաղաքում պայթյունը տեղի էր ունեցել դեկտեմբերի 27-ի առավոտյան` ժամը 09:00-ին, Լիբանանի վարչապետ Նաջիբ Միքաթիի նստավայրի հարեւանությամբ: Ըստ նախնական տեղեկության` պայթեցվել էր ականապատ մի մեքենա: Թիրախը Լիբանանի նախկին նախարարներից Մուհամեդ Շաթահն էր, որը զոհվել էր պայթյունի ժամանակ: Ահաբեկչության զոհ էր դարձել հինգ մարդ:
Ըստ տեղի լրատվամիջոցների` պայթյունը լսվել է ամբողջ քաղաքում, եւ սեւ ծուխը տարածվել է կենտրոնում`« Phoenicia Hotel» հյուրանոցից քիչ հեռու: