ԵՄ արտաքին գործերի եւ անվտանգության քաղաքականության հարցերով գերագույն ներկայացուցիչ Քեթրին Էշթոնը հաջորդ շաբաթ Պարսից ծոցի արաբական երկրներ շրջագայության կմեկնի:
Ըստ նրա մամուլի քարտուղար Մայքլ Մաննի՝ եվրոպական պատվիրակության ղեկավարը կայցելի Արաբական Միացյալ Էմիություններ, Քուվեյթ, Սաուդյան Արաբիա, Օման եւ Քաթար, հանդիպումներ կունենա այդ պետությունների ղեկավարության հետ, հայտնում է ԻՏԱՌ-ՏԱՍՍ-ը:
«Նա կհանդիպի այդ երկրներից յուրաքանչյուրի ղեկավարության հետ՝ տարածաշրջանային կարեւորագույն խնդիրներ քննարկելու համար, մասնավորապես՝ Սիրիայի իրավիճակը եւ Իրանի հետ բանակցությունները», - հայտնել է Մաննը:
